Diben y swydd:

Mae'r Rheolwr Cyflogres yn darparu arbenigedd cyflogres ac arweinyddiaeth broffesiynol i'r tîm Cyflogres.

Byddwch yn gyfrifol am sicrhau bod taliadau'n cael eu gwneud yn gywir ac ar amser gan ddefnyddio system y gyflogres/adnoddau dynol iTrent. Byddwch yn rheoli ac yn goruchwylio'r prosesau a'r gweithdrefnau ar gyfer gweinyddu a rheoli gwaith y tîm. Byddwch yn sicrhau bod y tîm yn cynnal safonau uchel o ran rheolaeth, priodoldeb, rheoleidd-dra a gwahanu dyletswyddau, gan alluogi llwybrau archwilio clir drwy gadw cofnodion o’i waith.

Yn y pen draw, bydd gofyn i ddeiliad y rôl sicrhau bod y gwasanaethau a ddarperir gan y tîm yn rhagweithiol, gydag ethos o welliant parhaus; yn canolbwyntio ar y cwsmer; ac yn effeithlon.

Y rôl:
Mae Tîm y Gyflogres yn cynnwys Rheolwr y Gyflogres, Goruchwylydd y Gyflogres a Staff Cymorth Tîm. Mae'r tîm yn gweithio'n agos gyda’r Gwasanaeth Cymorth Busnes i’r Aelodau, sy'n cynnal prosesau’r gyflogres ar gyfer Aelodau o’r Senedd a’u staff cymorth. Tîm y Gyflogres sydd hefyd yn gyfrifol am gynnal y gwiriadau terfynol ar gyfer y gweithredoedd hyn.

At ei gilydd, mae tîm y Gyflogres yn gyfrifol am weinyddu pedair cyflogres (gyda thelerau ac amodau gwahanol yn berthnasol i bob un):
• Aelodau o'r Senedd
• Staff Cymorth yr Aelodau
• Staff y Comisiwn
• Pensiynwyr

Mae hyn hefyd yn cynnwys talu cyflogau i Archwilydd Cyffredinol Cymru, Ombwdsmon Gwasanaethau Cyhoeddus Cymru a’r Comisiynydd Safonau.

Tîm y Gyflogres sy’n gyfrifol am brosesu gweithrediadau a chynnal gwiriadau; caiff rhediad terfynol y gyflogres ei weinyddu gan ein darparwr allanol, MHR.

I gael rhagor o wybodaeth, ewch i’r swydd-ddisgrifiad.

Patrwm Gwaith
Swydd amser llawn yw hon. Fodd bynnag, ystyrir trefniadau gweithio hyblyg, yn amodol ar sicrhau y caiff anghenion y Senedd a’i Aelodau eu diwallu.

Sylwch y byddwn fel arfer yn recriwtio ar waelod y band cyflog
Bydd yr ymgeisydd llwyddiannus yn cael gwiriad diogelwch.

Mae’r tîm Digwyddiadau Seneddol a Gwasanaethau Cwsmeriaid yn sicrhau y caiff cwsmeriaid ystâd y Senedd y profiad gorau posibl o'n lleoliadau ac o wasanaethau cymorth y lleoliadau hynny.

Fel Cynorthwyydd Llogi Lleoliadau, byddwch yn gyfrifol am ohebu â'r trefnwyr yn ystod y broses wneud cais i gynnal gweithgareddau ar yr ystâd - a fydd yn cynnwys digwyddiadau a chyfarfodydd.
Byddwch yn gweithio fel tîm i helpu i gyflwyno rhaglen o ddigwyddiadau uchel eu proffil i’r Aelodau, eu staff cymorth, staff y Comisiwn, contractwyr a’r cyhoedd.

Byddwch hefyd yn gweithio’n agos gyda’r Swyddogion Digwyddiadau i gynnal digwyddiadau a gweithgareddau a noddir gan yr Aelodau.

Yn ogystal â chynorthwyo â gweithgareddau rhithwir, hybrid ac wyneb yn wyneb, byddwch yn rhwydweithio ag Aelodau a rhanddeiliaid, gan gynnig llwyfan i sefydliadau ac elusennau hyrwyddo’u hachosion.

Mae’r tîm archebu yn allweddol yn y gwaith o gynghori cwsmeriaid ynghylch y fformat gorau ar gyfer yr hyn y maent yn gobeithio’i gyflawni, gan gysylltu â rhanddeiliaid uchel eu proffil a ddarparu gwasanaeth rhagorol y gallant ymfalchïo ynddo.

I gael rhagor o wybodaeth, ewch i’r swydd-ddisgrifiad.

Patrwm Gwaith
Swydd amser llawn yw hon. Fodd bynnag, ystyrir trefniadau gweithio hyblyg, yn amodol ar sicrhau y caiff anghenion y Senedd a’i Haelodau eu diwallu.
Mae rota ar waith i ymateb i negeseuon sy’n cyrraedd y mewnflwch a galwadau ffôn rhwng 08.30 a 17.00, ac i helpu yn ystod sesiynau briffio i Aelodau dros frecwast neu gyda’r hwyr o bryd i’w gilydd. Bydd y gwaith o drefnu’r sesiynau briffio dros frecwast yn dechrau am 07.45 a bydd y gwaith o drefnu’r sesiynau briffio gyda’r hwyr yn dod i ben erbyn 18.00.

Sylwch y byddwn fel arfer yn recriwtio ar waelod y band cyflog
Bydd yr ymgeisydd llwyddiannus yn cael gwiriad diogelwch.

Mae’r tîm Digwyddiadau Seneddol a Gwasanaethau Cwsmeriaid yn sicrhau y caiff cwsmeriaid ystâd y Senedd y profiad gorau posibl o'n lleoliadau ac o wasanaethau cymorth y lleoliadau hynny.

Fel Cynorthwyydd Llogi Lleoliadau, byddwch yn gyfrifol am ohebu â'r trefnwyr yn ystod y broses wneud cais i gynnal gweithgareddau ar yr ystâd - a fydd yn cynnwys digwyddiadau a chyfarfodydd.

Byddwch yn gweithio fel tîm i helpu i gyflwyno rhaglen o ddigwyddiadau uchel eu proffil i’r Aelodau, eu staff cymorth, staff y Comisiwn, contractwyr a’r cyhoedd.

Byddwch hefyd yn gweithio’n agos gyda’r Swyddogion Digwyddiadau i gynnal digwyddiadau a gweithgareddau a noddir gan yr Aelodau.

Yn ogystal â chynorthwyo â gweithgareddau rhithwir, hybrid ac wyneb yn wyneb, byddwch yn rhwydweithio ag Aelodau a rhanddeiliaid, gan gynnig llwyfan i sefydliadau ac elusennau hyrwyddo’u hachosion.

Mae’r tîm archebu yn allweddol yn y gwaith o gynghori cwsmeriaid ynghylch y fformat gorau ar gyfer yr hyn y maent yn gobeithio’i gyflawni, gan gysylltu â rhanddeiliaid uchel eu proffil a ddarparu gwasanaeth rhagorol y gallant ymfalchïo ynddo.

I gael rhagor o wybodaeth, ewch i’r swydd-ddisgrifiad.

Patrwm Gwaith
Swydd amser llawn yw hon. Fodd bynnag, ystyrir trefniadau gweithio hyblyg, yn amodol ar sicrhau y caiff anghenion y Senedd a’i Haelodau eu diwallu.
Mae rota ar waith i ymateb i negeseuon sy’n cyrraedd y mewnflwch a galwadau ffôn rhwng 08.30 a 17.00, ac i helpu yn ystod sesiynau briffio i Aelodau dros frecwast neu gyda’r hwyr o bryd i’w gilydd. Bydd y gwaith o drefnu’r sesiynau briffio dros frecwast yn dechrau am 07.45 a bydd y gwaith o drefnu’r sesiynau briffio gyda’r hwyr yn dod i ben erbyn 18.00

Sylwch y byddwn fel arfer yn recriwtio ar waelod y band cyflog
Bydd yr ymgeisydd llwyddiannus yn cael gwiriad diogelwch.