Mae'r Arweinydd Llesiant a Gweithrediadau AD yn chwarae rhan ganolog wrth sicrhau bod y tîm Gwasanaethau Pobl yn gweithredu'n effeithiol, yn gyson ac mewn ffordd sy'n hyrwyddo llesiant gweithwyr yn weithredol ar draws y sefydliad. Mae deiliad y swydd yn darparu arweinyddiaeth strategol a gweithredol i’r timau Gweithrediadau a Llesiant yn yr adran Adnoddau Dynol, gan sicrhau gwasanaeth o ansawdd uchel tra’n meithrin gallu, gwydnwch a gwelliant parhaus o fewn y timau hynny. Mae gan deiliad y rôl gyfrifoldeb cyffredinol am ddylunio a chyflawni prosiectau allweddol ym maes gweithrediadau a llesiant, gan sicrhau bod polisi, proses ac arfer wedi'u halinio, a’u bod wedi’u seilio ar dystiolaeth, gan gefnogi profiad cadarnhaol i gyflogeion.

Mae'r swydd yn arwain ar fentrau mawr ar draws y sefydliad i wella effeithlonrwydd, cynhyrchiant a chanlyniadau o fewn y tîm Gwasanaethau Pobl, gan gynnwys datblygu systemau fel darpariaeth iechyd galwedigaethol, datrysiadau i reoli ymholiadau a’r defnydd o offer sydd wedi’u galluogi gan Ddeallusrwydd Artiffisial. Gan weithredu fel arweinydd polisi Adnoddau Dynol, bydd deiliad y rôl yn goruchwylio ac yn cydgysylltu’r broses o ddatblygu polisi traws-sefydliadol, yn cefnogi ymchwiliadau gwaith achos cymhleth a sensitif, ac yn sicrhau cyfathrebu clir gan y tîm Adnoddau Dynol, mewn modd sydd wedi'i gynllunio ac mewn modd amserol. Drwy ymgysylltu ac ymgynghori’n weithredol ag arweinwyr yn y Comisiwn, yn ogystal â rheolwyr a rhwydweithiau allanol, mae’r Arweinydd Llesiant a Gweithrediadau yn sicrhau bod y tîm Gwasanaethau Pobl yn ymatebol, yn cydymffurfio ac mewn sefyllfa dda i gefnogi blaenoriaethau’r sefydliad.

Yn y pen draw, bydd gofyn i ddeiliad y rôl sicrhau bod y gwasanaethau a ddarperir gan y tîm yn rhagweithiol, gydag ethos o welliant parhaus; yn canolbwyntio ar y cwsmer; ac yn effeithlon.

I gael rhagor o wybodaeth, ewch i’r swydd-ddisgrifiad.

Patrwm Gwaith
0.8 cyfwerth ag amser llawn, sy'n cyfateb i 29.6 awr yr wythnos. Ystyrir trefniadau gweithio hyblyg, yn amodol ar sicrhau y caiff anghenion y Senedd a’i Haelodau eu diwallu.

Sylwch y byddwn fel arfer yn recriwtio ar waelod y band cyflog
Bydd yr ymgeisydd llwyddiannus yn cael gwiriad diogelwch.

Mae’r swydd hon yn gyfle cyffrous i weithio wrth wraidd democratiaeth Cymru, yng Nghyfarwyddiaeth Busnes y Senedd. Byddwch yn gweithio’n uniongyrchol ag Aelodau o’r Senedd, uwch swyddogion, rhanddeiliaid a'r cyhoedd yn ystod cyfnod pwysig yn hanes gwleidyddiaeth Cymru.

Fel aelod o Gyfarwyddiaeth Busnes y Senedd, bydd yn ofynnol i chi sicrhau y caiff busnes y Senedd, fel cynorthwyo pwyllgorau’r Senedd a’r Cyfarfod Llawn, y Swyddfa Gyflwyno, a’r Bwrdd Taliadau Annibynnol, ei reoli'n ddidrafferth ac yn effeithiol a bod Aelodau o'r Senedd a staff yn cael gwasanaeth o'r radd flaenaf. Mae’n bosibl y gofynnir i chi weithio gyda thîm sy'n darparu prosiectau strategol neu'n datblygu adnoddau gweithdrefnol a rhaglenni sgiliau seneddol.

Mae'r swyddi yn cynnwys cysylltu'n rheolaidd ag Aelodau o'r Senedd a’u staff cymorth, staff Llywodraeth Cymru, uwch staff Senedd Cymru ac amrywiaeth o randdeiliaid allanol a thystion pwyllgorau.

Mae’r swyddi hyn yn rhan o gronfa o swyddi Cymorth Tîm tebyg yng Nghyfarwyddiaeth Busnes y Senedd, sy’n cynnwys cefnogaeth i’r Cyfarfod Llawn, y Swyddfa Gyflwyno a’r Bwrdd Taliadau Annibynnol, darparu prosiectau strategol a datblygu adnoddau gweithdrefnol a sgiliau seneddol. Gall fod yn ofynnol i'r ymgeiswyr llwyddiannus symud i swyddi tebyg yng Nghyfarwyddiaeth Busnes y Senedd, yn ôl anghenion busnes.

I gael rhagor o wybodaeth, ewch i’r swydd-ddisgrifiad.

Patrwm Gwaith
Swydd amser llawn yw hon. Fodd bynnag, ystyrir trefniadau gweithio hyblyg, yn amodol ar sicrhau y caiff anghenion y Senedd a’i Aelodau eu diwallu.

Sylwch y byddwn fel arfer yn recriwtio ar waelod y band cyflog
Bydd yr ymgeisydd llwyddiannus yn cael gwiriad diogelwch.

Mae'r Gwasanaeth Cymorth i'r Comisiwn ac i'r Aelodau (CAMS) yn rhoi cymorth ysgrifenyddol i Lywydd, Prif Weithredwr a Chyfarwyddwyr y Senedd, a chyngor gweithredol a datblygiad proffesiynol i'r 96 o Aelodau o’r Senedd a'u staff.

Tîm y Swyddfa Breifat yw'r tîm cymorth uniongyrchol i’r Llywydd a'r Dirprwy, gan sicrhau eu bod yn gallu cyflawni eu dyletswyddau'n effeithiol. Mae'r tîm hefyd yn cyflawni rhaglen waith ryngwladol sy'n croesawu ymwelwyr rhyngwladol, ac yn trefnu dirprwyaethau allanol.

Mae tîm y Swyddfa Weithredol yn darparu cymorth gweithredol i'r Prif Weithredwr a'r Cyfarwyddwyr. Mae'r tîm hefyd yn darparu cymorth ysgrifenyddol i Gomisiwn y Senedd, y Bwrdd Gweithredol, a'r Tîm Arweinyddiaeth, yn ogystal â byrddau, cyrff neu grwpiau eraill yn ôl y gofyn. Mae'r tîm yn rheoli cyfrifoldebau ariannol a pharhad busnes CAMS, cyfathrebu mewnol a nifer o weithgareddau corfforaethol eraill.

Bydd y rôl hefyd yn darparu cymorth i'r Pennaeth Gwasanaeth ac ar draws y gwasanaeth CAMS yn ôl yr angen o bryd i'w gilydd.

Mae’r swydd hon yn gyfle cyffrous i weithio mewn amgylchedd prysur wrth wraidd y Senedd. Bydd deiliad y swydd yn darparu gwasanaethau canolog allweddol a chymorth gweinyddol ar gyfer y ddau dîm, a bydd angen i chi allu gweithio'n ddwyieithog. Gall y rôl fod yn amrywiol. Bydd angen i chi allu blaenoriaethu llwyth gwaith tîm prysur a gweithio yn ôl terfynau amser penodol wrth aros yn ddigynnwrf ac ymateb i anghenion pobl eraill. Byddwch yn gyswllt allweddol i’ch cydweithwyr ar draws Comisiwn y Senedd, yn ogystal ag Aelodau o'r Senedd, a bydd angen i chi ddatblygu perthynas waith effeithiol â hwy.

Bydd gan yr ymgeisydd llwyddiannus sgiliau rhyngbersonol ardderchog a ffocws ar wasanaeth cwsmeriaid a sicrhau y caiff y gwaith ei wneud. Bydd yn drefnus, â sgiliau gweinyddol effeithiol ac effeithlon; ac mae’r tasgau dyddiol yn ddibynnol ar wybodaeth a gallu da o ran defnyddio Microsoft 365, rhaglenni Microsoft Office a Sharepoint.
Bydd yr ymgeisydd llwyddiannus yn mabwysiadu agwedd gadarnhaol a hyblyg at ei waith. Bydd hyn yn golygu bod angen gweithio o adeilad Ty Hywel ym Mae Caerdydd er mwyn diwallu anghenion busnes a gweithio gartref ar adegau eraill (os dewisir gwneud hynny).

I gael rhagor o wybodaeth, ewch i’r swydd-ddisgrifiad.

Patrwm Gwaith
Swydd amser llawn yw hon. Fodd bynnag, ystyrir trefniadau gweithio hyblyg, yn amodol ar sicrhau y caiff anghenion y Senedd a’i Aelodau eu diwallu.

Sylwch y byddwn fel arfer yn recriwtio ar waelod y band cyflog
Bydd yr ymgeisydd llwyddiannus yn cael gwiriad diogelwch.