Rydym yn recriwtio Pennaeth Gwasanaeth y Pwyllgorau Polisi a Deddfwriaeth, a leolir yng Nghyfarwyddiaeth Fusnes y Senedd yng Nghomisiwn y Senedd.

Mae gan bwyllgorau'r Senedd ystod eang o swyddogaethau craffu ar bolisi, craffu ariannol a chraffu deddfwriaethol. Maent yn dwyn Llywodraeth Cymru a chyrff cysylltiedig i gyfrif, gan gynnal ymchwiliadau, a chasglu tystiolaeth ar bynciau o bwys i bobl Cymru. Gweledigaeth y Comisiwn yw y dylai pwyllgorau'r Senedd ddangos eu bod yn gwella safon canlyniadau polisi, deddfwriaeth, gwasanaethau cyhoeddus a gwariant y Llywodraeth ar gyfer y gymdeithas gyfan yng Nghymru. Rhan hanfodol o'n gwaith yw cefnogi pwyllgorau i ymgysylltu'n effeithiol â rhanddeiliaid a'r cyhoedd. Bydd angen i'n dull ni ymateb i natur newidiol ymgysylltiad democrataidd mewn byd digidol.

Mae newid cyfansoddiadol wedi llywio a dylanwadu ar waith Pwyllgorau a bydd yn parhau i wneud hynny. Mae natur datganoli yng Nghymru, a safle'r Senedd yng nghyfansoddiad y DU, yn parhau i ddatblygu. Bydd etholiadau'r Senedd ym mis Mai 2026 yn nodi'r foment pan gaiff Senedd fwy, o 96 o Aelodau ei hethol. Mae'r newid sylweddol hwn yng nghapasiti'r Senedd yn cyflwyno cyfleoedd newydd ond hefyd yn cynyddu disgwyliadau'r cyhoedd mewn perthynas â rôl graffu'r Senedd. Bydd pwyllgorau ar flaen y gad yng ngwaith y Seithfed Senedd a fydd newydd ei ffurfio.

Mae Gwasanaeth y Pwyllgorau Polisi a Deddfwriaeth yn darparu cefnogaeth weithdrefnol, cefnogaeth o ran polisi a chefnogaeth weinyddol i’r pwyllgorau polisi a deddfwriaeth. Rydym yn gweithredu model tîm integredig, sef dull cyfannol o ddarparu arbenigedd a chefnogaeth i bwyllgorau ac aelodau o bwyllgorau. Mae'r Gwasanaeth yn gweithio'n agos gyda chlercod eraill, ymchwilwyr, cyfreithwyr, staff cyfathrebu a staff cyfieithu, yn ogystal â chydweithwyr ar draws Comisiwn y Senedd, yn enwedig i estyn allan at bobl Cymru ac ymgysylltu'n effeithiol â nhw.


I gael rhagor o wybodaeth, ewch i’r swydd-ddisgrifiad.

Patrwm Gwaith
Swydd amser llawn yw hon. Fodd bynnag, ystyrir trefniadau gweithio hyblyg, yn amodol ar sicrhau y caiff anghenion y Senedd a’i Aelodau eu diwallu.

Sylwch y byddwn fel arfer yn recriwtio ar waelod y band cyflog
Bydd yr ymgeisydd llwyddiannus yn cael gwiriad diogelwch.

Mae'r tîm Rheoli Cyfleusterau ac Ystadau’n gyfrifol am sicrhau bod swyddogaethau adeiladau’r Senedd, Ty Hywel a’r Pierhead yn gweithredu mor ddidrafferth â phosibl, a bod yr ystad a’r adeiladau'n edrych ar eu gorau bob amser.

Trwy ystod eang o ddyletswyddau, mae’r rôl hon yn gyfle cyffrous i weithio ochr yn ochr â chydweithwyr fel rhan o Gomisiwn y Senedd, y Porthorion a’r swyddog Cynaliadwyedd a Llywodraethiant, tra hefyd yn gweithio'n agos gyda'r tîm Rheoli Cyfleusterau ac Ystadau yn fwy eang.

I gael rhagor o wybodaeth, ewch i’r swydd-ddisgrifiad.

Patrwm Gwaith
Swydd amser llawn yw hon. Fodd bynnag, ystyrir trefniadau gweithio hyblyg, yn amodol ar sicrhau y caiff anghenion y Senedd a’i Aelodau eu diwallu.

Sylwch y byddwn fel arfer yn recriwtio ar waelod y band cyflog
Bydd yr ymgeisydd llwyddiannus yn cael gwiriad diogelwch.

Mae’r tîm Cymorth Busnes i Aelodau yn rhoi gwybodaeth, cyngor ac arweiniad i 60 o Aelodau o'r Senedd ('yr Aelodau'), a fydd yn cynyddu i 96 yn dilyn etholiad y Senedd ym mis Mai 2026, a grwpiau’r pleidiau yn y Senedd. Mae'r tîm yn rhoi cyngor ynghylch pob agwedd ar Benderfyniad y Bwrdd Taliadau, gan gynnwys y cymorth ariannol sydd ar gael i'r Aelodau ac ynghylch amrywiaeth eang o faterion Adnoddau Dynol cyffredinol, fel cymorth gweithredol a chymorth recriwtio i'r Aelodau yn eu rôl fel cyflogwyr ac o dan fframwaith y Penderfyniad. Mae’r tîm yn gyfrifol am gymeradwyo, talu a chyhoeddi pob cais am dreuliau yn erbyn cyllidebau’r Aelodau.

Fel Rheolwr Cyngor Busnes i’r Aelodau, bydd gennych rôl allweddol yn datblygu gwasanaethau’r tîm Cymorth Busnes i Aelodau. Hefyd, byddwch yn cefnogi’r pennaeth Cymorth Busnes i’r Aelodau i sicrhau bod cefnogaeth weithredol ardderchog ar gael i’r Aelodau er mwyn iddynt ddefnyddio eu hamser yn y modd mwyaf effeithiol.

Gan weithredu o fewn Penderfyniad y Bwrdd ar gyflogau a lwfansau, rhaid ichi roi cryn sylw i ragoriaeth ym maes gwasanaethau i gwsmeriaid a dod o hyd i atebion hyblyg, a phriodol, i gynorthwyo’r Aelodau i gyflawni eu cyfrifoldebau. Bydd gofyn ichi hefyd roi cyngor yn uniongyrchol i'r Aelodau ar faterion hynod sensitif. Wrth wneud hynny, rhaid ichi gadw ymddiriedaeth yr holl Aelodau, a heb osgoi sgyrsiau a phenderfyniadau anodd ar yr un pryd.

Mae hon yn swydd heriol ond cyffrous sy’n gyfle i weithio’n agos gydag Aelodau o’r Senedd a’u staff, Pennaeth Cymorth Busnes i’r Aelodau, uwch-arweinwyr yng Nghomisiwn y Senedd, yn ogystal â’r Bwrdd Taliadau Annibynnol a'i ysgrifenyddiaeth.

I gael rhagor o wybodaeth, ewch i’r swydd-ddisgrifiad.

Patrwm Gwaith
Swydd amser llawn yw hon. Fodd bynnag, ystyrir trefniadau gweithio hyblyg, yn amodol ar sicrhau y caiff anghenion y Senedd a’i Aelodau eu diwallu.

Sylwch y byddwn fel arfer yn recriwtio ar waelod y band cyflog
Bydd yr ymgeisydd llwyddiannus yn cael gwiriad diogelwch.

Bydd deiliad y swydd hon yn rhan ganolog o'r tîm Dysgu ac Ymgysylltu â’r Aelodau, sy'n darparu gwasanaethau i Aelodau o'r Senedd (Aelodau), a'u staff ledled Cymru, dan arweiniad y Pennaeth Cyswllt â’r Aelodau.

Mae'r tîm yn darparu rhaglen amrywiol o weithgareddau hyfforddi a datblygu ac mae’n gyfrifol am arwain y gwaith o ymgysylltu ag Aelodau a'u staff cymorth o ran gwasanaethau a mentrau Comisiwn y Senedd i'w cefnogi i gyflawni eu rolau.

Ar hyn o bryd, rydym yn paratoi i groesawu Aelodau'r Seithfed Senedd. Bydd hyn yn cynnwys darparu hwb newydd i Aelodau gael gwybod am wasanaethau, er mwyn symleiddio cyswllt wyneb yn wyneb am wasanaethau’r Comisiwn i Aelodau, yn ogystal â threfnu rhaglen groeso i roi’r wybodaeth a’r offer i Aelodau newydd a‘r rhai sy’n dychwelyd gyflawni eu rolau’n gyflym.

Byddwch yn chwarae rhan flaenllaw wrth drefnu a rheoli gweithgareddau ymgysylltu gydag Aelodau a'u staff cymorth, a hynny ar lefel unigol, ar lefel tîm ac ar lefel sefydliadol. Byddwch yn datblygu perthnasoedd gwaith effeithiol gyda grwpiau’r pleidiau gwleidyddol i’w hannog i fanteisio ar wasanaethau’r Comisiwn ac i sicrhau bod yr Aelodau’n cael gwybod am ddatblygiadau sy’n effeithio ar eu gwaith.

Drwy gydweithio â chydweithwyr ar draws y sefydliad, bydd disgwyl i chi ddarparu gwasanaethau o safon uchel i gwsmeriaid, bod yn drefnus iawn a dangos eich bod yn gallu rheoli amryw o dasgau mewn ffordd egnïol a hyblyg. Bydd angen i chi fod yn broffesiynol a mynegi‘ch hun yn glir, a rhaid i chi feddu ar sgiliau cyfathrebu rhagorol.

Byddwch yn angerddol am gefnogi Aelodau a'u staff i ddysgu a thyfu. Byddwch yn gweithio gyda'r rheolwr hyfforddiant ac yn ei gefnogi i nodi anghenion hyfforddiant parhaus yr Aelodau a'u staff cymorth, ar lefel unigol, ar lefel tîm ac ar lefel sefydliadol.

Byddwch yn canolbwyntio ar y dyfodol ac yn dangos chwilfrydedd wrth ddatblygu syniadau newydd. Byddwch yn frwdfrydig ac yn annog y tîm i ddarparu gwasanaeth rhagorol a rhaglen hyfforddiant o'r radd flaenaf.

Bydd angen i chi nodi, a lle bo'n bosibl, ddatrys problemau sy'n codi i Aelodau drwy argymell gwasanaethau a, lle bo'n briodol, hyfforddiant priodol. Mae bod yn graff a gallu nodi problemau ac uwchgyfeirio fel y bo'n briodol hefyd yn nodweddion allweddol.

I gael rhagor o wybodaeth, ewch i’r swydd-ddisgrifiad.

Patrwm Gwaith
Swydd amser llawn yw hon. Fodd bynnag, ystyrir trefniadau gweithio hyblyg, yn amodol ar sicrhau y caiff anghenion y Senedd a’i Aelodau eu diwallu.

Sylwch y byddwn fel arfer yn recriwtio ar waelod y band cyflog
Bydd yr ymgeisydd llwyddiannus yn cael gwiriad diogelwch.