Yn y rôl hollbwysig hon, byddwch yn hyrwyddo diben craidd caffael cyhoeddus: trawsnewid arian cyhoeddus yn nwyddau a gwasanaethau o ansawdd uchel, sy'n cefnogi cynnydd cymdeithasol ac economaidd. Byddwch yn sicrhau'r gwerth mwyaf am arian wrth gynnal y safonau uchaf o ran tryloywder, tegwch a chydymffurfiaeth gyfreithiol. Y tu hwnt i reoli gweithrediadau masnachol o ddydd i ddydd, byddwch yn manteisio ar ein pŵer prynu fel grym er daioni—gan integreiddio arferion cynaliadwy, meithrin cystadleuaeth deg, a chefnogi busnesau bach a lleol i ddarparu gwerth ystyrlon a pharhaol i'r Senedd.

Bydd deiliad y swydd yn atebol i'r Pennaeth Caffael.

I gael rhagor o wybodaeth, ewch i’r swydd-ddisgrifiad.

Patrwm Gwaith
Swydd amser llawn yw hon. Fodd bynnag, ystyrir trefniadau gweithio hyblyg, yn amodol ar sicrhau y caiff anghenion y Senedd a’i Aelodau eu diwallu.

Sylwch y byddwn fel arfer yn recriwtio ar waelod y band cyflog
Bydd yr ymgeisydd llwyddiannus yn cael gwiriad diogelwch.

Mae'r Gwasanaeth Cymorth i'r Comisiwn ac i'r Aelodau (CAMS) yn darparu cymorth gweithredol i’r Llywydd a’r Dirprwy Lywydd, y Prif Weithredwr a Chyfarwyddwyr y Senedd, ac yn ymgysylltu â'r 96 Aelod o’r Senedd a'u staff.

Mae'r tîm Cymorth Busnes i’r Aelodau yn rhoi cyngor ar bob agwedd ar y cymorth ariannol sydd ar gael i'r Aelodau ac ar ystod eang o faterion Adnoddau Dynol cyffredinol, fel cymorth gweithredol a chymorth recriwtio i'r Aelodau yn rhinwedd eu gwaith fel cyflogwyr.

Bydd y Gweinyddwr Cymorth Busnes i’r Aelodau yn darparu cefnogaeth ar draws tîm Cymorth Busnes yr Aelodau. Mae'r gwaith yn amrywiol ac yn ddiddorol. Ochr yn ochr â'r busnes arferol o brosesu hawliadau a chefnogi’r rhaglen hyfforddi, mae cyfleoedd i gymryd rhan mewn gwaith prosiect, ac mae'r tîm yn chwarae rhan ganolog mewn digwyddiadau pwysig, fel paratoi ar gyfer etholiadau’r Senedd. Yn y rôl hon bydd disgwyl ichi weithio'n effeithiol fel rhan o dîm bach, bod yn drefnus iawn, a dangos agwedd gadarnhaol a hyblyg tuag at lwyth gwaith deinamig.


I gael rhagor o wybodaeth, ewch i’r swydd-ddisgrifiad.

Patrwm Gwaith
Swydd amser llawn yw hon. Fodd bynnag, ystyrir trefniadau gweithio hyblyg, yn amodol ar sicrhau y caiff anghenion y Senedd a’i Aelodau eu diwallu.

Bydd y rôl hon yn un ystwyth, gyda chyfuniad o weithio yn y swyddfa a gweithio gartref. Cewch y cymorth a’r cyfarpar angenrheidiol i ganiatáu ichi weithio gartref. Bydd yn ofynnol ichi fynd i’r swyddfa yn Nhŷ Hywel, Bae Caerdydd, yn ôl anghenion busnes, sef tri diwrnod yr wythnos ar hyn o bryd

Sylwch y byddwn fel arfer yn recriwtio ar waelod y band cyflog
Bydd yr ymgeisydd llwyddiannus yn cael gwiriad diogelwch.

Mae'r tîm Dysgu ac Ymgysylltu â’r Aelodau yn darparu cymorth i Aelodau o'r Senedd a'u staff cymorth ledled Cymru, drwy ddarparu rhaglen amrywiol o weithgareddau hyfforddiant a datblygu.

Mae’r tîm hefyd yn gyfrifol am ymgysylltu â’r Aelodau a'u staff cymorth o ran gwasanaethau a mentrau Comisiwn y Senedd i’w cefnogi i gyflawni eu rolau.

O dan arweiniad y Pennaeth Cyswllt â’r Aelodau a'r Uwch Reolwr Hyfforddiant ac Ymgysylltu, byddwch yn rheoli tîm bach.

Byddwch yn chwarae rhan arweiniol wrth nodi anghenion hyfforddiant parhaus yr Aelodau a'u staff cymorth, ar lefel unigol, tîm a sefydliadol.

Gan ddefnyddio eich gwybodaeth am theori dysgu a sgiliau wrth gynllunio, datblygu a darparu hyfforddiant, byddwch yn darparu hyfforddiant, ac yn trefnu iddo gael ei ddarparu gan eraill. Dylai hyfforddiant o'r fath anelu at fodloni gofynion statudol ac anghenion datblygu yr Aelodau a'u staff, yn unol â'r egwyddorion a'r blaenoriaethau y cytunwyd arnynt gan y Comisiwn.

Byddwch yn mabwysiadu dull strategol a chydweithredol o weithio gydag Aelodau, staff cymorth a rhanddeiliaid allweddol ar draws Comisiwn y Senedd. Byddwch yn datblygu perthnasoedd gwaith effeithiol gyda grwpiau'r pleidiau gwleidyddol i ennill cefnogaeth a sicrhau bod atebion hyfforddiant yn berthnasol ac yn ychwanegu gwerth. Drwy gydweithio â chydweithwyr ar draws y sefydliad, bydd disgwyl i chi ddarparu gwasanaethau o safon uchel i gwsmeriaid , bod yn drefnus iawn a dangos eich bod yn gallu rheoli amryw o dasgau mewn ffordd egnïol a hyblyg.

Byddwch yn angerddol am gefnogi Aelodau a'u staff i ddysgu a thyfu. Byddwch yn canolbwyntio ar y dyfodol ac yn dangos chwilfrydedd wrth ddatblygu syniadau newydd. Byddwch yn frwdfrydig ac yn cymell y tîm i ddarparu gwasanaeth rhagorol a rhaglen hyfforddiant o'r radd flaenaf.

Bydd angen i chi nodi a, lle bo'n bosibl, datrys problemau trwy nodi atebion hyfforddiant. Fodd bynnag, mae bod yn graff a gallu nodi problemau ac uwchgyfeirio fel y bo'n briodol hefyd yn nodwedd allweddol.

Bydd angen i chi allu dangos agwedd gadarnhaol a hyblyg at eich gwaith – gan addasu eich sgiliau a’r gwasanaeth i’r Aelodau rydym yn eu gwasanaethu. Mae angen i’ch ymarweddiad fod yn broffesiynol ac i’ch mynegiant fod yn glir, a rhaid i chi feddu ar sgiliau cyfathrebu llafar ac ysgrifenedig rhagorol.

I gael rhagor o wybodaeth, ewch i’r swydd-ddisgrifiad.

Patrwm Gwaith
Swydd amser llawn yw hon. Fodd bynnag, ystyrir trefniadau gweithio hyblyg, yn amodol ar sicrhau y caiff anghenion y Senedd a’i Aelodau eu diwallu.

Sylwch y byddwn fel arfer yn recriwtio ar waelod y band cyflog
Bydd yr ymgeisydd llwyddiannus yn cael gwiriad diogelwch.

Rydym yn recriwtio Swyddog Ymchwil Uwch llawn amser yn adran Ymchwil y Senedd a fydd yn gweithio ar draws meysydd polisi yn y timau Amgylchedd a Thrafnidiaeth, a Materion Allanol a Chyfansoddiadol.

Bydd y swydd yn cael ei rheoli o fewn y Tîm Amgylchedd a Thrafnidiaeth. Yn ôl yr angen, bydd gofyn i ddeiliaid y swyddi weithio yn y meysydd pwnc eraill sy’n rhan o Ymchwil y Senedd.

Diben y swydd hon yw darparu briff ffeithiol diduedd, annibynnol ac arbenigol ar bob agwedd ar bolisïau, deddfwriaeth ac ystadegau perthnasol i gefnogi Aelodau a phwyllgorau'r Senedd. Gall y briff hwn gynnwys ymchwil eilaidd ac mae angen dadansoddiad beirniadol o amrywiaeth o ffynonellau gwybodaeth. Mae'r rôl hefyd yn cynnwys ysgrifennu a chyhoeddi erthyglau i lywio dadleuon a gwaith craffu, gan hwyluso dealltwriaeth o waith ehangach y Senedd.

Mae rôl Swyddog Ymchwil Uwch yn cynnwys deall meysydd polisi datganoledig yn ogystal â meddu ar y gallu i weithio'n hyblyg, arwain ar eich gwaith ymchwil a meysydd polisi eich hun, tra’n cefnogi uwch ymchwilwyr ac arweinwyr tîm yn eu meysydd pwnc.

Bydd angen i chi ddatblygu dealltwriaeth dda o gyd-destun polisi cyfredol Cymru a fydd yn eich galluogi i gael trosolwg yn gyflym o ddeddfwriaeth ac ystadegau perthnasol mewn meysydd polisi cysylltiedig. Bydd angen i chi ddangos sgiliau ymchwil a briffio ardderchog. Bydd disgwyl i chi fod yn hyblyg, gweithio'n rhagweithiol gyda chydweithwyr ymchwil ar draws amrywiaeth o feysydd polisi a gweithio ar draws y Gwasanaeth cyfan gan ddarparu cefnogaeth i dimau ble mae galw mawr.
Byddwch yn ymateb i ymholiadau gan Aelodau o'r Senedd; yn paratoi papurau briffio ar gyfer Pwyllgorau’r Senedd; yn ysgrifennu erthyglau a dogfennau briffio i’w cyhoeddi ar-lein ac ar ein sianeli cyfryngau cymdeithasol ac yn nodi cyfleoedd ar gyfer gweithio ar draws gwasanaethau. Bydd cyfle gennych i ddatblygu sgiliau digidol, gan gynnwys cynhyrchu delweddau data a helpu i greu cynnwys rhyngweithiol.

Rydym yn gweithio fel ‘un tîm’ ac mae gennym ddiwylliant o weithio ar draws timau i helpu i gefnogi ein gilydd ar adegau o alw mawr. Felly, bydd disgwyl i chi addasu wrth i'r rôl ddatblygu, a gweithio ar draws timau yn ôl yr angen. Byddwch yn gweithio mewn ffordd ystwyth i gefnogi a datblygu ffyrdd o weithio yn Ymchwil y Senedd, drwy gymryd rhan mewn grwpiau traws-wasanaeth, gweithgareddau bwrdd golygyddol ac unrhyw un o flaenoriaethau’r cynllun gwasanaeth pan fydd cyfleoedd yn codi.


I gael rhagor o wybodaeth, ewch i’r swydd-ddisgrifiad.

Patrwm Gwaith
Swydd amser llawn yw hon. Fodd bynnag, ystyrir trefniadau gweithio hyblyg, yn amodol ar sicrhau y caiff anghenion y Senedd a’i Aelodau eu diwallu.

Sylwch y byddwn fel arfer yn recriwtio ar waelod y band cyflog
Bydd yr ymgeisydd llwyddiannus yn cael gwiriad diogelwch.