Mae’r ystafell argraffu yn rhan o’r tîm Rheoli Cyfleusterau ac Ystadau ac mae’n gyfrifol am gefnogi amcan y Comisiwn i ddarparu gwasanaeth seneddol rhagorol drwy reoli a darparu gwasanaethau cymorth effeithiol i Aelodau’r Senedd, eu staff a staff y Comisiwn.

Mae’r ystafell argraffu yn wasanaeth cymorth cyfunol sy’n gyfrifol am ddarparu gwasanaeth reprograffig llawn a gwasanaeth casglu a dosbarthu’r holl bost/nwyddau bob dydd i’r holl randdeiliaid yn Senedd Cymru.

Rôl deiliad y swydd fydd cynorthwyo tîm prysur i ddarparu ystod lawn o wasanaethau argraffu a gorffen ar alw, ynghyd â didoli a dosbarthu post a phecynnu a pharatoi post allanol i’w gasglu.

Meini prawf penodol i’r swydd:

1. Sgiliau TG effeithiol - gyda’r gallu i ddefnyddio ystod o becynnau meddalwedd fel Adobe Acrobat Pro, Adobe InDesign a Microsoft Office ac argraffu ohonynt.
2. Profiad o weithio mewn amgylchedd ystafell argraffu digidol prysur a bod yn gyfarwydd â gweithredu argraffwyr/copïwyr cynhyrchu llawer ac argraffwyr fformat mawr.
3. Sgiliau trefnu – gallu rheoli eich amser eich hun, er mwyn cwrdd â dyddiadau cau.

I gael rhagor o wybodaeth, ewch i’r swydd-ddisgrifiad.

Patrwm Gwaith
Swydd amser llawn yw hon. Fodd bynnag, ystyrir trefniadau gweithio hyblyg, yn amodol ar sicrhau y caiff anghenion y Senedd a’i Aelodau eu diwallu.

Sylwch y byddwn fel arfer yn recriwtio ar waelod y band cyflog
Bydd yr ymgeisydd llwyddiannus yn cael gwiriad diogelwch.

Bydd deiliad y swydd yn gyfrifol am reolaeth strategol, arweinyddiaeth a darpariaeth weithredol gwasanaethau ystadau a chyfleusterau ar gyfer y Senedd a bydd yn aelod o'r Tîm Arwain yn y Comisiwn.

Mae hon yn rôl bwysig, heriol a chymhleth lle byddwch yn gyfrifol am ystod eang o swyddogaethau a chyllideb sylweddol i gefnogi’r gwaith o redeg y Senedd ac am arwain prosiectau trawsnewidiol, yn ogystal â strategaeth ystâd y Senedd a’r strategaeth Carbon Niwtral.

Mae'r rôl yn gofyn i chi feddu ar y gallu i gymhwyso gwybodaeth a medrusrwydd arbenigol a dull pragmatig i sicrhau bod ystad y Senedd yn cael ei stiwardio'n effeithiol, gan gydymffurfio â gofynion statudol a gofynion diogelwch, cynaliadwyedd
amgylcheddol ac addasu, a datblygu’r ystad ar gyfer y Seithfed Senedd a thu hwnt.

I gael rhagor o wybodaeth, ewch i’r swydd-ddisgrifiad.

Patrwm Gwaith
Swydd amser llawn yw hon. Fodd bynnag, ystyrir trefniadau gweithio hyblyg, yn amodol ar sicrhau y caiff anghenion y Senedd a’i Aelodau eu diwallu.

Sylwch y byddwn fel arfer yn recriwtio ar waelod y band cyflog
Bydd yr ymgeisydd llwyddiannus yn cael gwiriad diogelwch.

Mae hon yn rôl heriol a chyffrous lle byddwch yn cynorthwyo'r Pennaeth Cyswllt â’r Aelodau i roi arweinyddiaeth, arweiniad a chyngor.

Mae’r Rheolwr Dysgu ac Ymgysylltu â’r Aelodau yn gyfrifol am lunio a chyflwyno rhaglen ddysgu ac ymgysylltu o ansawdd uchel i Aelodau o’r Senedd a’u staff ledled Cymru, dan arweiniad yr arweinydd tîm. Bydd deiliad y rôl yn goruchwylio gwaith i ddatblygu, rheoli a monitro mentrau hyfforddi, gan sicrhau eu bod yn berthnasol i bob agwedd ar waith yr Aelodau, a goruchwylio gwaith i reoli’r gyllideb a phrosesau caffael ar gyfer gofynion hyfforddi. Bydd angen i chi feddu ar y sgiliau i gyflwyno hyfforddiant, mewn amrywiaeth o sefyllfaoedd, rhai ffurfiol ac anffurfiol.

Byddwch yn gweithio’n agos gydag Aelodau o’r Senedd a’u staff, ac uwch arweinwyr o fewn Comisiwn y Senedd. Byddwch yn bwynt cyswllt allweddol i’r Aelodau, yn ffynhonnell werthfawr o gyngor iddynt ar faterion dysgu a datblygu ynghyd ag ymholiadau rheoli rhagweithiol mwy cyffredinol mewn perthynas â’u staff. Byddwch hefyd yn meithrin cyfathrebu da, ac yn annog ymgysylltu ag Aelodau, gan gasglu adborth wrth i ni ymateb i anghenion a llywio’r gwasanaeth a ddarperir yn y dyfodol.

Bydd y rôl hefyd yn cyfrannu at amcanion corfforaethol ehangach gan gynnwys cefnogi camau i wella effeithiolrwydd gwasanaethau i ddiwallu anghenion Aelodau o'r Senedd, nodi a deall anghenion Aelodau, a defnyddio'r wybodaeth hon i lywio'r gwaith o ddarparu lefelau priodol o gymorth mewn amgylchedd sy'n newid.

Rydym yn chwilio am rywun sydd â ffocws cryf ar roi gwasanaeth rhagorol i gwsmeriaid ac ar gynnig atebion hyblyg a phriodol i gynorthwyo Aelodau i gyflawni eu cyfrifoldebau. Bydd gofyn i chi hefyd roi cyngor yn uniongyrchol i Aelodau ar faterion hynod sensitif, a byddwch yn rhan bwysig o'n presenoldeb wyneb yn wyneb ar gyfer y Senedd yn dilyn yr etholiadau ym mis Mai 2026 ac wrth i ni gefnogi anghenion newidiol y gymuned seneddol.

Mae gofyn i ddeiliad y swydd allu gweithio fel aelod o dîm, gallu cynhyrchu gwybodaeth sy'n glir ac yn gywir a chynnig cyngor cadarn, diduedd yn ysgrifenedig ac ar lafar. Bydd angen ichi fod â’r gallu i wneud penderfyniadau call, ac ennill ymddiriedaeth a hyder Aelodau o'r Senedd a rheoli perthynas â phawb sy'n rhan o’r gwaith, yn fewnol ac y tu hwnt i Senedd Cymru. Rhaid i chi fod yn wleidyddol ddiduedd bob amser.

Disgwylir i'r Rheolwr ysgogi gwelliant parhaus a newid cadarnhaol, cymell ac ysbrydoli ei dîm, cynllunio ar gyfer anghenion y dyfodol, a dirprwyo ar ran y Pennaeth Cyswllt â’r Aelodau pan fo angen. Mae'r rôl hefyd yn cynnwys gweithio'n agos gyda’r tîm Cymorth Busnes i’r Aelodau i roi cyngor rhagweithiol a threfnu cyfleoedd dysgu priodol i'r Aelodau a'u staff, o fewn fframwaith cyflawni y cytunir arno.

Byddwch yn cyfrannu at fentrau traws-wasanaeth a chorfforaethol, gan arwain ar rai prosiectau, a chefnogi Comisiwn y Senedd i gyflawni ei nodau strategol.

I gael rhagor o wybodaeth, ewch i’r swydd-ddisgrifiad.

Patrwm Gwaith
Swydd amser llawn yw hon. Fodd bynnag, ystyrir trefniadau gweithio hyblyg, yn amodol ar sicrhau y caiff anghenion y Senedd a’i Aelodau eu diwallu.

Sylwch y byddwn fel arfer yn recriwtio ar waelod y band cyflog
Bydd yr ymgeisydd llwyddiannus yn cael gwiriad diogelwch.