Mae ein pobl wrth wraidd popeth a wnawn. Dyna pam rydym wedi adeiladu swyddogaeth Dysgu a Datblygu gref i sicrhau eu bod yn aros yn frwdfrydig a bod ganddynt fynediad at yr offer a'r cyfleoedd cywir i dyfu a chyrraedd eu potensial llawn.

Mae'r tîm Datblygu Sefydliadol, Dysgu a Chynhwysiant yn gyfrifol am arlwy dysgu'r Senedd, gan gynllunio a darparu cyfleoedd ar gyfer hyfforddiant mewnol yn ogystal â chanfod cyflenwyr allanol priodol a sicrhau'r defnydd gorau o adnoddau'r sefydliad. Mae'r tîm yn canolbwyntio ar feithrin gallu sefydliadol drwy ei fentrau dysgu a Datblygu Sefydliadol.

Fel y Rheolwr Dysgu a Datblygu, byddwch yn allweddol wrth gyflawni ein Strategaeth Pobl uchelgeisiol, a byddwch yn cefnogi uchelgais y Senedd fel sefydliad sydd o ddifrif ynghylch meithrin dysgu. Byddwch yn defnyddio Fframwaith Dysgu a Datblygu’r Senedd i flaenoriaethu dysgu hanfodol ac i hyrwyddo diwylliant o dwf a gwelliant parhaus. Byddwch yn weladwy ac yn gallu datblygu partneriaeth agos â chwsmeriaid a rhanddeiliaid ar draws y busnes, gyda chyfrifoldeb sylweddol dros y gwaith o lunio a chyflawni’r cynnig datblygu.

Byddwch yn atebol i'r Pennaeth Dysgu a Datblygu Sefydliadol ac yn canolbwyntio ar ymgynghori, cynllunio a chyflwyno mentrau dysgu a datblygu sefydliadol o ansawdd uchel. Byddwch yn gweithredu ac yn ysgogi gwelliannau sylweddol a fydd yn cynyddu gwybodaeth, sgiliau a pherfformiad ar draws y Senedd, gan alluogi staff i gyrraedd eu potensial yn llawn a chyflawni hyd eithaf eu gallu.


I gael rhagor o wybodaeth, ewch i’r swydd-ddisgrifiad.

Patrwm Gwaith
Swydd amser llawn yw hon. Fodd bynnag, ystyrir trefniadau gweithio hyblyg, yn amodol ar sicrhau y caiff anghenion y Senedd a’i Aelodau eu diwallu.

Sylwch y byddwn fel arfer yn recriwtio ar waelod y band cyflog
Bydd yr ymgeisydd llwyddiannus yn cael gwiriad diogelwch.

Ein pobl sydd yn ein gwneud ni yr hyn ydym. Dyna pam mae gennym weithrediad Dysgu a Datblygu rhagorol i sicrhau bod eu cymhelliant yn uchel a bod ganddynt yr arfau cywir o ddysgu er mwyn cyrraedd eu potensial llawn.

Y tîm Datblygu Sefydliadol, Dysgu a Chynhwysiant sy’n gyfrifol am arlwy dysgu'r Senedd, gan ddarparu hyfforddiant mewnol yn ogystal â chanfod cyflenwyr allanol priodol, a hynny er mwyn sicrhau'r defnydd gorau o adnoddau'r sefydliad. Mae'r tîm yn canolbwyntio ar feithrin gallu sefydliadol drwy ei fentrau Dysgu a Datblygu Sefydliadol.

Mae'r tîm yn gyfrifol am gynllunio a chyflwyno Strategaeth Pobl Datblygu Sefydliadol y Comisiwn, gyda chyfrifoldeb dros ddull rheoli perfformiad y Senedd; rhaglenni datblygu (gan gynnwys cynlluniau Graddedigion); dulliau ymgysylltu â staff; a hwyluso’r broses o ddatblygu timoedd a gwasanaethau neu weithgareddau datblygu strategaeth.

Bydd y Gweinyddwr Dysgu a Datblygu yn gyfrifol am gefnogi swyddogaethau gweinyddol mentrau hyfforddi a datblygu ein sefydliad sy'n cynnwys cydgysylltu, gweinyddu a threfnu logisteg ystod o raglenni dysgu i wella sgiliau a pherfformiad staff y Comisiwn.

Bydd yn ofynnol i chi drefnu a gwneud taliadau ar gyfer pob cais am hyfforddiant a chynnal holl gofnodion, cyllidebau a thaenlenni'r tîm Dysgu a Datblygu. Bydd hefyd yn ofynnol i chi reoli’r mewnflwch e-bost a rennir ar ran y tîm ac ymateb i gwsmeriaid yn briodol. Bydd y swydd hefyd yn cynnwys llunio calendr hyfforddiant blynyddol y Senedd ar y cyd â'r Swyddog Hyfforddi.

Byddwch yn gyfrifol am ddarparu cymorth gweinyddol i'r tîm, a byddwch yn bwynt cyswllt allweddol ar gyfer Staff Comisiwn y Sesiwn a Darparwyr Hyfforddiant. Gan weithio fel rhan o dîm bach yn ogystal ag ar ei liwt ei hun ar adegau, bydd deiliad y swydd yn adrodd yn ôl yn uniongyrchol i'r Rheolwr Dysgu a Datblygu.

I gael rhagor o wybodaeth, ewch i’r swydd-ddisgrifiad.

Patrwm Gwaith
Swydd ran amser yw hon, a bydd disgwyl i chi weithio’r patrwm canlynol o rannu swydd: dydd Llun, dydd Mawrth a dydd Gwener - 17 awr yr wythnos

Sylwch y byddwn fel arfer yn recriwtio ar waelod y band cyflog
Bydd yr ymgeisydd llwyddiannus yn cael gwiriad diogelwch.

Rydym yn chwilio am Swyddog Cymorth Gwasanaeth i ymuno â’n tîm Rheoli Cyfleusterau ac Ystadau yn y Senedd.

Byddwch yn chwarae rhan annatod o'r Tîm Gwasanaeth gan ddarparu cefnogaeth gyffredinol i'ch cydweithwyr, a chynorthwyo gyda'r nifer fawr o gyfarfodydd a digwyddiadau a gynhelir ar yr ystad.
Trwy ystod eang o ddyletswyddau, mae’r rôl hon yn gyfle cyffrous i weithio ochr yn ochr â chydweithwyr fel rhan o Gomisiwn y Senedd, y Porthorion a’r swyddog Cynaliadwyedd a Llywodraethiant, tra hefyd yn gweithio'n agos gyda'r tîm Rheoli Cyfleusterau ac Ystadau yn fwy eang.

Mae'r tîm Rheoli Cyfleusterau ac Ystadau’n gyfrifol am sicrhau bod swyddogaethau adeiladau’r Senedd, Ty Hywel a’r Pierhead yn gweithredu mor ddidrafferth â phosibl, a bod yr ystad a’r adeiladau'n edrych ar eu gorau bob amser.
At hynny, byddwch yn darparu gwasanaeth cwsmeriaid o’r radd flaenaf i Aelodau’r Senedd, a’u staff cymorth, yn ogystal â staff y Comisiwn ac ymwelwyr â’r ystad.

I gael rhagor o wybodaeth, ewch i’r swydd-ddisgrifiad.

Cyfnod
Dros dro (tan fis Mawrth 2026)

Patrwm Gwaith
Swydd amser llawn yw hon. Fodd bynnag, ystyrir trefniadau gweithio hyblyg, yn amodol ar sicrhau y caiff anghenion y Senedd a’i Aelodau eu diwallu.

Sylwch y byddwn fel arfer yn recriwtio ar waelod y band cyflog
Bydd yr ymgeisydd llwyddiannus yn cael gwiriad diogelwch.

Ymunwch â'r tîm Rheoli Cyfleusterau ac Ystadau mewn rôl hanfodol lle byddwch yn gwasanaethu fel y prif gyswllt ar gyfer yr holl ymholiadau bilio, anfonebu a thalu. Mae'r swydd hon yn hanfodol i sicrhau bod trafodion ariannol yn cael eu cynnal yn unol â pholisïau a rheoliadau’r sefydliad, a thrwy hynny helpu i sicrhau bod y Senedd yn gweithredu’n llyfn.

Yn y rôl hon, byddwch yn cydweithio'n agos â thîm cyllid canolog y Senedd ac yn ymgysylltu â rhanddeiliaid allweddol, gan gynnwys amrywiol bartneriaid dan gontract sy'n gyfrifol am wasanaethau rheoli cyfleusterau fel cynnal a chadw, arlwyo a glanhau. Byddwch yn chwarae rhan hanfodol wrth reoli prosesau caffael, cadw cofnodion ariannol, a darparu cymorth ariannol gwerthfawr i bartïon mewnol ac allanol.

Bydd eich cyfrifoldebau yn cynnwys codi archebion prynu, rheoli cyllidebau, a pharatoi adroddiadau sy'n cyfrannu at dryloywder ariannol ac atebolrwydd. Drwy gyfathrebu'n effeithiol â chydweithwyr a chyflenwyr, byddwch yn helpu i hwyluso gweithrediadau ariannol effeithlon sy'n sail i nod y Senedd.

Mae hwn yn gyfle i gael effaith ystyrlon o fewn tîm ymroddedig, gan gymryd rhan mewn ystod amrywiol o dasgau sy'n gwella effeithiolrwydd gweithredol ein cyfleusterau. Bydd eich arbenigedd yn allweddol wrth gefnogi amcanion cyffredinol y Gwasanaeth Rheoli Cyfleusterau ac Ystadau a nodau ehangach y Senedd.

Rydym yn chwilio am rywun sy'n gallu dadansoddi data ariannol ac sydd â sgiliau rhifiadol cryf. Mae llygad craff am fanylion yn hanfodol i gynnal cywirdeb. Mae angen rhywun sy'n hyblyg ac sy'n gallu addasu i heriau amrywiol tra’n sicrhau cydymffurfiaeth. Bydd eu gallu i ddarparu mewnwelediadau clir yn helpu i gefnogi ein penderfyniadau strategol.

I gael rhagor o wybodaeth, ewch i’r swydd-ddisgrifiad.

Patrwm Gwaith
Swydd amser llawn yw hon. Fodd bynnag, ystyrir trefniadau gweithio hyblyg, yn amodol ar sicrhau y caiff anghenion y Senedd a’i Aelodau eu diwallu.

Sylwch y byddwn fel arfer yn recriwtio ar waelod y band cyflog
Bydd yr ymgeisydd llwyddiannus yn cael gwiriad diogelwch.

Mae'r Gwasanaeth Cymorth i'r Comisiwn ac i'r Aelodau (CAMS) yn rhoi cymorth ysgrifenyddol i Lywydd, Prif Weithredwr a Chyfarwyddwyr y Senedd, a chyngor gweithredol ac ar ddatblygiad proffesiynol i'r 60 Aelod o’r Senedd a'u staff.

Tîm y Swyddfa Breifat yw'r tîm cymorth uniongyrchol i’r Llywydd a'r Dirprwy, gan sicrhau eu bod yn gallu cyflawni eu dyletswyddau'n effeithiol. Mae'r tîm hefyd yn cyflawni rhaglen waith ryngwladol sy'n croesawu ymwelwyr rhyngwladol, ac yn trefnu dirprwyaethau allanol.

Mae tîm y Swyddfa Weithredol yn darparu cymorth gweithredol i'r Prif Weithredwr a'r Cyfarwyddwyr. Mae'r tîm hefyd yn darparu cymorth ysgrifenyddol i Gomisiwn y Senedd, y Bwrdd Gweithredol, a'r Tîm Arweinyddiaeth, yn ogystal â byrddau, cyrff neu grwpiau eraill yn ôl y gofyn. Mae'r tîm yn rheoli cyfrifoldebau ariannol a pharhad busnes a nifer o
weithgareddau corfforaethol.

Mae’r swydd hon yn gyfle cyffrous i weithio mewn amgylchedd prysur wrth wraidd y Senedd. Bydd deiliad y swydd yn darparu gwasanaethau canolog allweddol a chymorth gweinyddol ar gyfer y ddau dîm, a bydd angen i chi allu gweithio'n ddwyieithog. Gall y rôl fod yn amrywiol. Bydd angen i chi allu blaenoriaethu llwyth gwaith tîm prysur a gweithio yn ôl terfynau amser penodol wrth aros yn ddigynnwrf ac ymateb i anghenion pobl eraill. Byddwch yn gyswllt allweddol i’ch cydweithwyr ar draws Comisiwn y Senedd, yn ogystal ag Aelodau o’r Senedd, a bydd angen i chi ddatblygu perthynas waith effeithiol â hwy.

Bydd gan yr ymgeisydd llwyddiannus sgiliau rhyngbersonol ardderchog a ffocws ar wasanaeth cwsmeriaid a sicrhau y caiff y gwaith ei wneud. Bydd yn drefnus, â sgiliau gweinyddol effeithiol ac effeithlon; a bydd yn mabwysiadu agwedd gadarnhaol a hyblyg at ei waith. Bydd hyn yn golygu bod angen gweithio o adeilad Ty Hywel ym Mae Caerdydd er mwyn diwallu anghenion busnes a gweithio gartref ar adegau eraill (os dewisir gwneud hynny)

I gael rhagor o wybodaeth, ewch i’r swydd-ddisgrifiad.

Patrwm Gwaith
Swydd amser llawn yw hon. Fodd bynnag, ystyrir trefniadau gweithio hyblyg, yn amodol ar sicrhau y caiff anghenion y Senedd a’i Aelodau eu diwallu.

Sylwch y byddwn fel arfer yn recriwtio ar waelod y band cyflog.
Bydd yr ymgeisydd llwyddiannus yn cael gwiriad diogelwch.

Rydym yn recriwtio Cynorthwyydd Ymgysylltu ag Ymwelwyr rhan-amser yn y Senedd!

Byddwch yn ymuno â thîm bach angerddol sy’n croesawu ymwelwyr ac yn cyflwyno’r ystâd iddynt. Bydd cyfle gennych i ymgysylltu â phobl o bob cefndir, cynnal cynnwys taith yr ymwelydd o ddydd i ddydd, a chynorthwyo’r Swyddog Profiad Ymwelwyr i ddatblygu a llunio profiadau ein hymwelwyr yn y dyfodol.

Byddwch yn helpu’r cyhoedd i gymryd rhan mewn democratiaeth yng Nghymru, yn ogystal â rhoi gwybod iddynt sut maen nhw'n cael eu cynrychioli a sut y gallant gymryd rhan. Rydym yn chwilio am rywun sydd â sgiliau gwasanaeth cwsmeriaid cryf. Dylech fwynhau cyfathrebu ag aelodau'r cyhoedd a bod â diddordeb yng ngwaith ac arwyddocâd y Senedd. Os yw hyn yn swnio fel chi, ewch ati i wneud cais heddiw!

Darperir hyfforddiant a gwybodaeth am y pynciau a drafodir wrth gyfathrebu â'r cyhoedd.

I gael rhagor o wybodaeth, ewch i’r swydd-ddisgrifiad.

Patrwm Gwaith
Swydd ran-amser yw hon (7.24 awr yr wythnos). Fodd bynnag, ystyrir trefniadau gweithio hyblyg, yn amodol ar sicrhau y caiff anghenion y Senedd, ei Haelodau a’i hymwelwyr eu diwallu. Fel patrwm rheolaidd, y bwriad yw y bydd deiliad y swydd yn gweithio un diwrnod yr wythnos, fel arfer ar ddydd Sadwrn. Fodd bynnag, gall hyn hefyd gynnwys dydd Sul, diwrnodau braint, neu wyliau banc. Fel arfer, mae rota'r tîm yn cael ei gynllunio fis ymlaen llaw.

Fel rhan o dîm sy'n ymwneud yn uniongyrchol â’r cyhoedd ac sy'n darparu gwasanaeth saith diwrnod yr wythnos, bydd disgwyl i ddeiliad y swydd weithio gyda llai o rybudd weithiau (cyn lleied â dau ddiwrnod o rybudd o bosibl), os bydd anghenion busnes yn galw am hyn. Mae hyn yn cynnwys gweithio ar ddiwrnodau nad ydynt yn rhai rheolaidd pan fo angen. Gallai hyn ddigwydd er mwyn cynorthwyo wrth drefnu pwy fydd yn gweithio yn ystod amseroedd prysur annisgwyl (galw’r Cynulliad yn ôl, er enghraifft), neu i gynorthwyo'r tîm pan fydd staff yn absennol.

Sylwch y byddwn fel arfer yn recriwtio ar waelod y band cyflog
Bydd yr ymgeisydd llwyddiannus yn cael gwiriad diogelwch.